身邊嘅朋友係過去2年反反覆覆問過我好多次嘅問題＂你成日去旅行，又帶人去旅行，點解唔寫blog?同大家分享一下你d心得，點搵平飛？點book酒店？＂心諗，挑！你想睇吓個blog，就知我去邊度食野，唔洗兜口兜面問又要比我寸之麻。

經過大約五秒嘅思考，同埋唔想每次身邊有朋友去日本，我就要將同一堆說話同一堆餐廳嘅list用WhatsApp send一次俾佢哋，加上自己嘅解釋好似做咗個旅遊節目咁，所以今次大阪加南九州之旅會試吓以每日最少一篇報道嘅形式去同大家分享。

今次行程大約係 18th 香港飛大阪関西 19th 大阪 20th大阪関西飛宮崎 21st 宮崎火車去鹿兒島 22nd 鹿兒島揸車去鹿兒島南部 23rd 鹿兒島巴士去福岡 24th 福岡空港飛香港

交通： 香港飛関西 $542(連稅同行李) 関西空港至大阪來回 ¥2100 関西飛宮崎 ¥3760(連稅同行李) 宮崎火車至鹿兒島 ¥3000左右 鹿兒島租車 ¥4080 鹿兒島巴士到福岡 ¥2730 福岡空港至香港 ¥6950(連稅同行李)

酒店：6晩總共¥26000

交通加酒店大約$3700 首先我唔係同你玩鬥平，酒店我會揀啲自己覺得OK又唔會行到隻狗咁遠嘅地方嚟住(係我懶） 交通方面如果可以平我盡量都會平，放緊假唔使趕時間，我由鹿兒島去福岡嘅巴士需要4.5小時，相比我座九州新幹線我可以行慳8000円左右。 上綱方面我唔用wifi蛋，怕又借又還，夜晚有多舊野叉電出街又要袋多舊野。我比較鐘意用data sim，setup方便，用完即棄，今次用係馬雲平台嘅sim (斷估唔會爆炸)，用完先比包膠， 59人仔加運費。

一切已經準備好，大家俾啲反應有興趣就like下share下，唔啱聽都指點下，點樣做好啲，就住屌(我放假mode㗎)

完～(已經開始後悔，洗濕左個頭)

dirtypanda #kix #fuk #kmi @hk_express